धनगढी- सुदूरपश्चिममा प्रदेशमा थप १६ जनामा कोरोना भाइरस (कोभिड-१९) संक्रमण देखिएको छ।
सेती प्रादेशिक अस्पतालले आज (बिहीबार) जारी गरेको प्रेस विज्ञप्ति अनुसार कैलालीमा आठ, अछाममा चार र बाजुरा तथा कञ्चनपुरमा दुई/दुई जनामा कोरोना पुष्टि भएको हो।
योसँगै सुदूरपश्चिमको धनगढीस्थित प्रयोगशालामा कोरोना संक्रमित पुष्टि भएको संख्या एक हजार ३२ पुगेको छ। पछिल्लो २४ घन्टामा २५७ जनाको परीक्षण गरिएको विज्ञप्तिमा उल्लेख छ।
प्रकाशित: Jul 09, 2020| 15:17 बिहीबार, असार २५, २०७७
