गण्डकीमा १,१४९ जनामा कोरोना संक्रमण, निको हुनेको संख्या ३८६ पुग्यो

पोखरा- गण्डकी प्रदेशमा कोरोना संक्रमितको संख्या १,१४९ पुगेको छ।

पोखरास्थित क्षयरोग उपचार केन्द्र, पोखरा स्वास्थ्य विज्ञान प्रतिष्ठान, जनस्वास्थ्य प्रयोगशाला, हेटौंडा र भरतपुर अस्पताल, चितवन गरिएको परीक्षणमा गण्डकी प्रदेशमा थप २० जना संक्रमित भएका हुन्।

आज संक्रमित हुनेमा तनहुँका १, म्याग्दीका २, बागलुङका २, नवलपरासी पूर्वका ४, लमजुङका ५, गोरखाका २ र कास्कीका ४ जना छन्।

नवलपरासी पूर्वका सबै संक्रमितलाई आइसोलेसन कक्षमा राखिसकिएको छ भने अन्य जिल्लाका स‌ंक्रमितलाई सम्बन्धित जिल्लामा रहेका आइसोलेसन कक्षमा लैजाने तयारी भइरहेको स्वास्थ्य निर्देशनालय गण्डकी प्रदेशले जनाएको छ।

यसैगरी गण्डकी प्रदेशमा कोरोना संक्रमणबाट निको हुनेको संख्या ३८६ पुगेको छ।