कञ्चनपुर– कञ्चनपुरमा नहरमा डुबेर एक किशोरीको मृत्यु भएको छ ।
भीमदत्त नगरपालिका–१३ की १४ वर्षीया किशोरी नेहा सुनारको नहरमा डुबेर मृत्यु भएको हो । उनी हिजो बेलुका नहरमा डुबेर बेपत्ता भएकी थिइन् ।
‘नहरमा पानीको बहाव उच्च थियो,’ जिल्ला प्रहरी कार्यालय कञ्चनपुरका प्रहरी नायब उपरीक्षक अमरबहादुर थापाले भने, ‘पौडिने क्रममा डुबेर वेपत्ता भएकी हुन्, उनी आज मृत फेला परिन् ।’ बालिकाको शव फेला परेलगत्तै उनका ३४ वर्षिय दाजु भरत सुनारलाई पक्राउ गरिएको प्रहरी नायब उपरीक्षक अमरबहादुर थापाले बताए ।
‘दाजुले कुटपिट गरी नालामा धकेलेको भन्ने सूचना आएको छ,’ प्रहरी नायब उपरीक्षक थापाले भने, ‘घटनाको अनुसन्धानका लागि मृतकका दाजुलाई नियन्त्रणमा लिएका हौँ ।’
प्रकाशित: Jul 09, 2020| 08:21 बिहीबार, असार २५, २०७७
