काठमाडौं- पछिल्लो २४ घण्टामा देशभर २५५ जनामा कोरोना भाइरसको संक्रमण पुष्टि भएको छ। योसहित हालसम्म नेपालमा कोरोना संक्रमण पुष्टि हुनेको संख्या १६ हजार ४२३ पुगेको छ।
पछिल्लो २४ घण्टामा देशभरका विभिन्न प्रयोगशालामा ४ हजार ६९६ जनाको पीसीआर नमुना परीक्षण गरिएको छ।
हालसम्म नेपालमा ७ हजार ७५२ जना कोरोना संक्रमणमुक्त भएर घर फर्किएको स्वास्थ्य तथा जनसंख्या मन्त्रालयले जनाएको छ।
जसमध्ये पछिल्लो २४ घण्टामा २५३ जना कोरोना संक्रमणमुक्त भएका छन्।
हाल देशभरका विभिन्न क्वारेन्टिनमा २५ हजार ४० जना रहेको मन्त्रालयले जनाएको छ। त्यस्तै कोरोना संक्रमण पुष्टि भएर आइसोलेसनमा रहेका व्यक्तिको संख्या ८ हजार ६३६ छ।
नेपालमा अहिलेसम्म ३५ जना काेराेना संक्रमितकाे मृत्यु भएकाे छ।
प्रकाशित: Jul 08, 2020| 16:28 बुधबार, असार २४, २०७७
