सुदूरपश्चिम प्रदेशको आर्थिक वर्ष २०७७–०७८ को बजेट माथिको छलफल अघि बढाइएको छ । प्रतिपक्षी दलहरूको नाराबाजीकै बीच प्रदेशको बजेट माथिको छलफल अघि बढाइएको हो ।
९ मिनेटसम्म बैठकमा प्रतिपक्षीले नाराबाजी गरेपछि सभामुखले कारबाही अघि नबढाए पनि ‘माननीय सदस्यहरु तपाईहरु थाकिसक्नु भयो’ भन्दै कारवाही अगाडी बढाएका छन् ।
प्रदेशमा कोरोना भाइरस (कोभिड–१९) को संक्रमण भयावह बन्दै जाँदा पनि रोकथाम, उपचार, व्यवस्थापनमा प्रभावकारी काम गर्न माग गर्दैै प्रतिपक्षले नाराबाजी गरिरहेका छन् ।
५३ सदस्य रहेको सुदूरपश्चिम प्रदेश सभामा सत्तापक्ष नेपाल कम्युनिष्ट पार्टी (नेकपा) का ३९, प्रमुख प्रतिपक्षी नेपाली कांग्रेसका १२ र राष्ट्रिय जनता पार्टीका दुईजना सदस्य रहेका छन् ।
प्रकाशित: Jul 08, 2020| 15:45 बुधबार, असार २४, २०७७
