बनेपा- काभ्रेपलाञ्चोकको बनेपा नगरपालिका–४ शेरामा मिनि ट्रक दुर्घटना हुँदा गाडीका सहचालकको मृत्यु भएको छ ।
इलाका प्रहरी कार्यालय बनेपाका अनुसार भक्तपुरको सूर्यविनायकबाट गाईवस्तुको मल लोड गरी काभ्रेपलाञ्चोकको नाला शेरातर्फ आउँदै गरेको बा१क ९२३६ नंको मिनी ट्रक ब्रेक फेल भई सडकमै पल्टिएको हो ।
मंगलबार भएको दुर्घटनामा भक्तपुर जिल्ला सूर्यविनायक नगरपालिका–७ बस्ने १८ वर्षीय सुजन वाग्लेको मृत्यु भएको प्रहरीले जनाएको छ । गाडी पल्टेर घाइते भएका वाग्लेको बनेपास्थित शिर मेमोरियल अस्पतालमा उपचारका क्रममा मृत्यु भएको हो।
प्रहरीले चालकलाई नियन्त्रणमा लिई आवश्यक अनुसन्धान गरिरहेको जनाएको छ ।
प्रकाशित: Jul 08, 2020| 08:07 बुधबार, असार २४, २०७७
