बागमतीमा ६७१ जना कोरोना संक्रमित, सबैभन्दा बढी काठमाडौंमा

काठमाडाैं- बागमती प्रदेशमा मंगलबार थप ३४ जनामा कोरोना भाइरस संक्रमण भएको छ। आज संक्रमित हुनेमा काठमाडौंका १४, ललितपुरका १०, भक्तपुरका चार जना छन्।

मकवानपुर, चितवन, सिन्धुपाल्चोक, सिन्धुली, नुवाकोट र धादिङमा एक एक जनामा संक्रमण पुष्टि भएको छ। योसहित प्रदेशमा कोरोना संक्रमितको संख्या ६७१ पुगेको छ।

तीमध्ये २४३ जना निको भएर घर फर्किएका छन् भने ४२२ जनाको विभिन्न अस्पतालमा उपचार भइरहेको छ। कोरोना भाइरसबाट बागमती प्रदेशमा ६ जनाको मृत्यु भएको छ।

प्रदेशको सामाजिक विकास मन्त्रालयका अनुसार सबैभन्दा बढी काठमाडौं १७४ जना र सबैभन्दा क दोलखामा ८ जनाका कोरोना भाइरस संक्रमण भएको छ।

जिल्लागत रुपमा संक्रमितको विवरण

काठमाडौं : १७४
ललितपुर : ४९
भक्तपुर : ४३
रसुवा : १०
नुवाकोट : २८
धादिङ : १२४
चितवन : ८९
सिन्धुली : १८
मकवानपुर : २९
रामेछाप : ३०
दोलखा : ८
काभ्रे : १२
सिन्धुपाल्चोक : ५७