काठमाडौं- ललितपुरको पाटन अस्पतालमा उपचारको क्रममा मृत्यु भएका युवकमा कोरोना संक्रमण पुष्टि भएको छ।
गोरखा, भीमसेन थापा गाउँपालिकाका २७ वर्षीय युवकमा कोरोना भाइरस (कोभिड-१९) संक्रमण पुष्टि भएको अस्पतालका निर्देशक डा. विष्णु शर्माले जानकारी दिए। मृत्युपछि परीक्षण गर्दा उनमा कोरोना संक्रमण पुष्टि भएको हो।
अस्पतालका निर्देशक शर्माका अनुसार झुण्डिएको अवस्थामा फेला परेका ती युवकलाई परिवारले डोरी काटेर गोरखाको एक अस्पतालमा पुर्याएका थिए। तर, अस्पतालले अवस्था गम्भीर रहेको भन्दै पाटन अस्पताल पठाएको थियो।
प्रकाशित: Jul 07, 2020| 15:20 मंगलबार, असार २३, २०७७
