काठमाडौं- सोमबारसम्म देशभरबाट ६ हजार ८११ जना कोरोनामुक्त भएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २६४ जना संक्रमणमुक्त भएका छन्।
कुल संक्रमित १५ हजार ९६४ मध्ये ९ हजार ११८ जना विभिन्न अस्पताल र आइसोलेसनमा छन्। कुल संक्रमितमध्ये ४२.७ संक्रमणमुक्त भएको स्वास्थ्य तथा जनसंख्या मन्त्रालयले जनाएको छ।
सोमबारसम्म प्रदेश १ मा ७१० जना संक्रमित भेटिएकोमा बाट ४६९ जना संक्रमणमुक्त भएका छन्।
त्यस्तै प्रदेश २ मा ५ हजार १८४ जना संक्रमित भएकोमा २ हजार ७२ जना तथा बागमती प्रदेशमा ६३९ जना संक्रमित भएकामा २३४ जना डिस्चार्ज भएका छन्।
यसैगरी गण्डकी प्रदेशमा हालसम्म १ हजार १७५ जना संक्रमित भएकोमा २९५ जना, प्रदेश ५ मा ३ हजार ९८४ जना संक्रमित भेटिएकोमा १ हजार ८५७ संक्रमणमुक्त भएका छन्।
कर्णाली प्रदेशमा जम्मा १ हजार ५८१ जना संक्रमित भएकोमा १ हजार २२२ र सुदूरपश्चिम प्रदेशमा ३ हजार ६९१ संक्रमितमध्ये ६६२ जना संक्रमणमुक्त भएको मन्त्रालयले जनाएको छ। नेपालमा कोरोना संक्रमण भएका ३५ जनाको मृत्यु भएको छ।
प्रकाशित: Jul 06, 2020| 16:42 सोमबार, असार २२, २०७७
