काठमाडौं- गण्डकी प्रदेशमा कारोना भाइरस संक्रमितको संख्या १११३ पुगेको छ।
क्षयरोग उपचार केन्द्र, पोखरा र पोखरा स्वास्थ्य विज्ञान प्रतिष्ठान गरिएको परीक्षणमा सोमबार थप १७ जनामा कोरोना भाइरस संक्रमण पुष्टि भएको हो।
आज संक्रमण पुष्टि भएकामा लम्जुङका ११, बागलुङका ५ र कास्कीका १ जना रहेको गण्डकी प्रदेश कोरोना रोकथाम तथा नियन्त्रण कार्यक्रमका प्रवक्ता विनोदविन्दु शर्माले जानकारी दिए।
संक्रमित सबै व्यक्तिहरुलाई सम्बन्धित जिल्लामा रहेका आइसोलेसन कक्षमा लैजाने तयारी भइरहेको शर्माले बताए।
प्रकाशित: Jul 06, 2020| 13:55 सोमबार, असार २२, २०७७
