काठमाडौं- डोटीमा पहिरोमा पुरिएर ६ महिने शिशुको मृत्यु भएको छ।
डोटीको पूर्वीचौकी गाउँपालिका–४ सानागाउँमा आइतबार बिहान गएको पहिरोमा पुरिएर स्थानीय भक्त नेपालीको ६ महिने छोरा छत्र नेपालीको मृत्यु भएको हो।
पहिरोमा परी मृतक शिशुकी आमा २५ वर्षीया देवा गम्भीर घाइते भएकी छन्।
जिल्ला प्रहरी कार्यालयका अनुसार गम्भीर घाइते देवालाई उपचारका लागि जिल्ला अस्पताल लगिएको छ।
पहिरो आएको समयमा घरभित्र ५ जना रहेकोमा अरु भने भागेर बाँच्न सफल भएका छन्। पहिरोले घरभित्रको सबै सरसामान पूर्ण रुपमा क्षति भएको स्थानीयले बताएका छन्।
प्रकाशित: Jul 05, 2020| 15:43 आइतबार, असार २१, २०७७
