बागलुङको निसीखोला गाउँपालिकामा रहेको क्वारेन्टिनमा मृत्यु भएका युवामा कोरोना भाइरसको संक्रमण रहेको पुष्टि भएको छ।
निसीखोला–२ का २९ वर्षीय सुनिल विकको क्वारेन्टिनमै मृत्यु भएपछि कोरोना परीक्षणका लागि स्वाब प्रयोगशालामा पठाइएको थियो।
केही समयअगाडि भारतबाट आएर ढोरपाटन नगरपालिका–४ खुङ्गास्थित छोरेगाउँ माविको क्वारेन्टिनमा बसेका उनको आज बिहान मृत्यु भएको थियो। उनी मिर्गौलासम्बन्धी रोगबाट पीडित थिए।
उनको शव नेपाली सेनाले व्यवस्थापन गर्नेछ।
प्रकाशित: Jul 05, 2020| 15:00 आइतबार, असार २१, २०७७
