काठमाडौं- विभिन्न मुलुकबाट भइरहेका उद्धार उडानमार्फत १६ हजारभन्दा बढी नेपाली स्वदेश फर्किएका छन्।
कोभिड–१९ संकट व्यवस्थापन केन्द्र (सीसीएमसी) को विवरणअनुसार असार १८ गतेसम्म विभिन्न मुलुकबाट १६ हजार २९४ यात्रु फर्किएका हुन्।
सबैभन्दा धेरै कुवेतबाट तीन हजार ५२७, युएईबाट दुई हजार ७३७, साउदी अरेबियाबाट दुई हजार दुई, कतारबाट एक हजार ८१७ र मलेसियाबाट एक हजार ५३७ फर्किएका छन्।
प्रदेशगत हिसाबले सबैभन्दा बढी वाग्मती प्रदेशका पाँच हजार ३५८, प्रदेश नं १ का तीन हजार ८९, प्रदेश नं ५ का दुई हजार ५८१, प्रदेश नं २ का दुई हजार ४९८, गण्डकी प्रदेशका दुई हजार २१, कर्णाली प्रदेशका ३९४ र सुदूरपश्चिम प्रदेशका ३५३ स्वदेश फर्किएका छन्। रासस
प्रकाशित: Jul 05, 2020| 14:57 आइतबार, असार २१, २०७७
_(1).jpg)
