धनगढी- कैलालीको गोदावरी नगरपालिकामा क्वारेन्टिनबाट घर फर्किएपछि मृत्यु भएकी महिलाको कोरोना परीक्षण रिपोर्ट नेगेटिभ आएको छ।
गोदावरी नगरपालिका-१० की ४८ वर्षीया महिलाको पीसीआर परीक्षण रिपोर्ट नेगेटिभ देखिएको सेती प्रादेशिक अस्पतालले जनाएको छ।
अस्पतालको प्रयोगशालामा ती महिलाको कोरोना परीक्षण गरिएको सूचना अधिकारी दिलिपकुमार श्रेष्ठले जानकारी दिए।
भारतबाट फर्किएर स्थानीय क्वारेन्टिनमा बसेकी ती महिला झन्डै १६ दिनअघि घर फर्किएकी गोदावरी नगरपालिकाका मेयर हरिसिंह साउदले बताए। उनका अनुसार ती महिलामा रक्तचाप र प्यारालाईसिससम्बन्धी रोगबाट ग्रस्त थिइन्।
प्रकाशित: Jul 05, 2020| 10:33 आइतबार, असार २१, २०७७
