कोरोना भाइरस संक्रमणबाट थप एक जनाको मृत्यु भएको छ।
काठमाडौं नयाँ बानेश्वरका ८५ वर्षीय वृद्धको मृत्यु भएको स्वास्थ्य तथा जनसंख्या मन्त्रालयले जनाएको छ ।
छाती दुख्ने र पिसाबमा समस्या भएकाले उनी काठमाडौंको एक निजी अस्पतालमा भर्ना भएका थिए ।
अस्पतालको आइसोलेसनमा राखी उपचार गरिएको उनको अस्ति बुधबार गते मृत्यु भएको थियो । परीक्षणका क्रममा आज कोरोना पुष्टि भएको थियो।
उनी उच्च रक्तचाप र पार्किन्सन्सका बिरामी रहेको मन्त्रालयले जनाएको छ । योसँगै नेपालमा कोरोनाबाट मृत्यु हुनेको संख्या ३२ पुगेको छ ।
प्रकाशित: Jul 03, 2020| 16:42 शुक्रबार, असार १९, २०७७
