कञ्चनपुरमा पानी बोक्ने ट्याङ्करको ठक्करबाट एक जनाको मृत्यु भएको छ। जिल्लाको पुनर्वास नगरपालिकाको कालिका स्वास्थ्यचौकी नजिक पानी बोक्ने ट्याङ्करको ठक्करबाट मोटरसाइकलमा सवार एक जनाको मृत्यु भएको हो।
जिल्लाको पुनर्वास नगरपालिकाको कालिका स्वास्थ्यचौकी नजिक पानी बोक्ने ट्याङ्करको ठक्करबाट मोटरसाइकलमा सवार एक जनाको मृत्यु भएको हो।
जिल्ला प्रहरी कार्यालय कञ्चनपुरका अनुसार वडा नम्बर ७ का ३८ वर्षीय लोकेन्द्रसिंह ठकुरीको घटनास्थलमै मृत्यु भएको जनाएको छ।
प्रहरी नायव उपरिक्षक अमरवहादुर थापाक्षेत्रीका अनुसार से६प ६४२६ नम्वरको मोटरसाईकलमा सवार ठकुरीको बा १ क ९७८४ र से १ क १७४ नम्वरको ट्याङकरमध्ये एउटाले ठक्कर दिएको हो। तर कसले ठक्कर दियो भन्ने खुलेको छैन।
घटनापछि आक्रोसित स्थानीयले पानी ढुवानी गर्ने दुई वटा ट्याङ्करमाथि आगजनी गरेका छन्।
प्रकाशित: Jul 03, 2020| 13:33 शुक्रबार, असार १९, २०७७
