भारतकी चर्चित कोरियोग्राफर सरोज खानको ७२ वर्षको उमेरमा निधन भएको छ ।
सरोज खान पछिल्लो केही समयदेखि बिरामी थिइन् । जुन २० मा उनलाई स्वास फेर्न कठिन भएपछि मुम्बईको एक अस्पतालमा भर्ना गरिएको थियो ।
सरोज खान मधुमेह र यससँग सम्बन्धित रोगबाट ग्रस्त थिइन् । अस्पतालमा भर्ना भएपछि उनको कोरोना संक्रमणको पनि परीक्षण गरिएको थियो जसको रिपोर्ट नेगेटिभ आएको बीबीसीले लेखेको छ ।
उनले निकै लामो समयदेखि कामबाट ब्रेक लिएकी थिइन् । आफ्नो करियरमा उनले २ हजार भन्दा बढी गीतमा कोरियोग्राफ गरेकी उनले तीनपटक राष्ट्रिय अवार्ड पाएकी छिन् ।
उनले आफ्नो करियर एक असिस्टेन्ट कोरियोग्राफरका रुपमा सुरु गरेकी थिइन् । उनले सन १९७४ मा चलचित्र गीता मेरा नाममा पहिलो पटक गीतको स्वतन्त्र रुपले निर्देशन गरेकी थिइन्।
प्रकाशित: Jul 03, 2020| 10:34 शुक्रबार, असार १९, २०७७
