काठमाडौं- नेकपा स्थायी कमिटीको बैठक शनिबारसम्मका लागि स्थगित भएको छ।
बिहीबार दोस्रोपल्ट बसेको बैठक केही बेरमै स्थगित भएको हो। यसअघि ११ बजे बसेको बैठकको बीचमा नेकपाका अध्यक्ष एवम् प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच छुट्टै छलफल भएको थियो।
त्यसपछि दाहाल राष्ट्रपति विद्यादेवी भण्डारीलाई भेट्न शीतल निवास पुगेका थिए।
उनी शीतल निवासबाट फर्किएपछि बैठक सुरु भएको केही बेरमै स्थगित भएको हो। आजको दुवै बैठकमा प्रधानमन्त्री एवम् अध्यक्ष ओली भने सहभागी थिएनन्। अर्को बैठक शनिबार ११ बजेका लागि डाकिएको छ।
प्रकाशित: Jul 02, 2020| 16:50 बिहीबार, असार १८, २०७७
