काठमाडौं– काठमाडौं उपत्यकामा थप ३२ जनामा कोरोना भाइरस संक्रमण देखिएको छ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता जागेश्वर गौतमले दिएको जानकारीअनुसार आज काठमाडौंका ११ महिला र १७ पुरुषमा कोरोना भाइरस संक्रमण पुष्टि भएको छ। त्यसैगरी ललितपुरमा २ र भक्तपुरमा २ जना संक्रमित थपिएका छन्।
काठमाडौं उपत्यकामा हिजाे बुधबार १७ र अस्ति मंगलबार १४ जनामा कोरोना भाइरस देखिएको थियो।
अहिलेसम्म काठमाडौं उपत्यकामा कोरोना भाइरस संक्रमितको संख्या १५६ पुगेको छ।
प्रकाशित: Jul 02, 2020| 16:33 बिहीबार, असार १८, २०७७
