काठमाडौं- प्रतिनिधिसभाको बुधबारको बैठकले आगामी सोमबारका लागि संसद बैठक डाकिएकै अवस्थामा अधिवेशन अन्त्यको घोषणा भएपछि संघीय संसद सचिवालयले सूचना निकालेर सांसदहरुलाई जानकारी गराएको हो।
संघीय संसदका महासचिव भरतराज पौडेलले निकालेको सूचनामा भनिएको छ, ‘२०७७ असार २२ गते दिनको १ बजे बस्ने गरी निर्धारण भएको प्रतिनिधिसभाको बैठकसमेत अन्त्य भएकाले प्रतिनिधिसभा नियमावली २०७५ को नियम ३ उपनियम २ को प्रतिबन्धात्मक वाक्यांशबमोजिम सदस्यहरूको जानकारीका लागि यो सूचना प्रकाशित गरिएको छ।’
