काठमाडौं- गोरखामा टिप्परले नेपाली सेनाको गाडीलाई ठक्कर दिँदा चार जना सैनिक घाइते भएका छन्।
गोरखा नगरपालिका–११ पन्ध्रकिलो मोड नजिकै लु १ प ३८४६ नम्वरको टिप्परले बा १ झ ५८०० नम्बरको सेनाको गाडीलाई ठक्कर दिएको छ।
ठक्करबाट चार सैनिक घाइते भएको प्रहरीले जनाएको छ। जिल्ला प्रहरीका प्रवक्ता डिएसपी बासुदेव खतिवडाले घाइतेमध्ये दुई जनाको अवस्था गम्भीर रहेको जानकारी दिए।
गम्भीर घाइतेलाई चितवन पठाउने तयारी भैरहेको र बाँकीको स्थानीय अस्पतालमा उपचार भैरहेको खतिवडाले बताए।
प्रकाशित: Jul 01, 2020| 19:08 बुधबार, असार १७, २०७७
