गरिमा बैंकले सार्वजनिक यातायातलाई एक महिनाको व्याज छुट दिने

गरिमा विकास बैंकले सार्वजनिक यातायातको लागि ऋण लगेका ऋणीहरुको एक महिनाको व्याज मिनाहा गरेको छ ।

सार्वजनिक यातायात सञ्चालन गर्न नसकेर आम्दानी गर्न नसकेका सार्वजनिक यातायात व्यवसायीले व्याज तिर्न नसक्ने भएकोले असार महिनाको पूरै व्याज छुट दिएको बैंकले जनाएको छ ।

याे पनि पढ्नुहाेस् :

कोभिड–१९ को संक्रमण हुन नदिन सरकारले गत चैत ११ बाट लकडाउन गरिरहेको छ। लकडाउनका कारण यात्रुवाहक सार्वजनिक यातायात चल्न सकेका छैनन् । उनीहरुले लिएको ऋणको व्याज पनि बढेको छ । बैंकहरुले पनि व्याज तिर्नका लागि ताकेता गरिरहेका छन् ।

बैंकले यात्रुवाहक कालो नम्बर प्लेट र पर्यटकको सवारीका लागि प्रयोग हुने हरियो नम्बर प्लेटका सवारी साधनहरु बस, मिनीबस, माईक्रो बस, जिप र ट्याक्सी लगायत खरिदका लागि प्रवाह गरेको हायर पर्चेज शीर्षकको कर्जामा एक महिनाको ब्याज छुट दिएको हो।

राष्ट्र बैंकले वैशाख, जेठ र असार महिनाको ब्याजदरमा २ प्रतिशतले छुट दिन भनेको छ। बैंकका प्रखु कार्यकारी अधिकृत गोविन्द ढकालका अनुसार बैंकले राष्ट्र बैंकले निर्देशन गरेको दुई प्रतिशतका अलावा एक महिनाको ब्याज छुट दिइएको हो ।