सुर्खेत- कर्णाली प्रदेशमा आज २५ जना कोरोना संक्रमित थपिएका छन्।
पछिल्लो २४ घण्टामा प्रदेश अस्पताल, पशुपन्छी रोग अन्वेषण प्रयोगशाला र कर्णाली स्वास्थ्य विज्ञान प्रतिष्ठान जुम्लामा गरिएको पीसीआर परीक्षणमा कोरोना संक्रमण पुष्टि भएको हो।
संक्रमितमध्ये सल्यानका १५ जना, सुर्खेतका ७ जना, दैलेखका २ जना र जुम्लाका १ जना छन्।
कर्णाली प्रदेशको सामाजिक विकास मन्त्रालयका अनुसार सल्यानको वनगाड कुपिन्डे नगरपालिका वडा नं. १ र ४ मा १-१ जना, वडा नं.२ र ३ मा ५-५ जना, वडा नं. ७ मा ३ जना र वडा नम्बर उल्लेख नगरेका १ जना गरी १५ जना छन्।
त्यस्तै सुर्खेतको बराहताल गाउँपालिका वडा नं. ३, वीरेन्द्रनगर नगरपालिका वडा नं. २ र लेखबेशी नगरपालिका वडा नं. ९ मा १-१ जना तथा चौकुने गाउँपालिका वडा नं. २ र १० का २-२ जना संक्रमित थपिएका छन्।
त्यस्तै दैलेखको चामुण्डा विन्द्रासैनी नगरपालिका वडा नं. ५ र ७ तथा जुम्लाको तिला गाउँपालिकामा वडा नं २ का १-१ जनामा कोरोना संक्रमण पुष्टि भएको छ।
मन्त्रालयका स्वास्थ्य सेवा महाशाखा प्रमुख डाक्टर लक्ष्मीनारायण तिवारीका अनुसार आजै सुर्खेतको मेहलकुनाबाट ५ जना र चौकुने आइसोलेसनबाट १ जना गरी ६ जना डिस्चार्ज भएका छन्।
प्रकाशित: Jul 01, 2020| 18:12 बुधबार, असार १७, २०७७
