कारोबार सुरु भएको १३ मिनेटमा नै सेयर बजारमा सकारात्मक सर्किट ब्रेक लागेको छ।
बिहान ११ बजेबाट कारोबार खुलेको सेयर बजार परिसूचक नेप्से ११ बजेर १२ मिनेट जाँदा ४ प्रतिशतले बढेपछि २० मिनेटको लागि कारोबार रोकिएको छ। १३ मिनेटमा बजार परिसूचक नेप्से ५०.१८ अंकले बढेर १३१०.९३ अंकमा पुगेको थियो ।
हिजो मंगलबार पनि नेप्सेमा ३ पटक पोजेटिभ सर्किट ब्रेक लागेको थियो। डेढ महिनापछि अस्ति सोमबार खुलेको बजारमा सुरुमा नेगेटिभ सर्किट ब्रेक लागे पनि अन्त्यमा सुधार देखिएको थियो।
प्रकाशित: Jul 01, 2020| 11:38 बुधबार, असार १७, २०७७
