चितवनका १३ सहित थप २५ जनामा कोरोना पुष्टि

भरतपुर- चितवनका थप १३ जनासहित २५ जनामा कोराना संक्रमण पुष्टि भएको छ ।

भरतपुर अस्पताल कोभिड–१९ परीक्षण प्रयोगशालामा गरिएको परीक्षणमा आज (बुधबार) बिहान चितवनका १३ जनासहित २५ जनामा कोरोना संक्रमण पुष्टि भएको हो ।

चितवनका १३ संक्रमितमध्ये भरतपुरका ११ जना र माडीका २ जना रहेका छन्। भरतपुर अस्पतालका अनुसार संक्रमितहरु भरतपुर महानगरपालिकाको वडा नंं ९, ४, २२, २५ र २६ नम्बर वडाका २१ देखि ४८ वर्ष उमेर समूहका ६ जना छन् भने नारायणी सामुदायिक हस्पिटलमा उपचाररत भरतपुर महानगरपालिका–७ का ६१ वर्षीय पुरुष र १२ वर्षकी बालिका छिन् ।

यस्तै माडी नगरपालिकाका संक्रमितहरु ५ र ३ नम्बर वडाका २५ र ७३ वर्षका पुरुषमा रहेका छन् ।

त्यस्तै आज नै पूर्वी नवलपरासीको गैंडाकोट नगरपालिकाका २ महिलासहित १० जनामा कोरोना संक्रमण पुष्टि भएको छ।

सेन्ट्रल हस्पिटलमा उपचाररत गोर्खाको मनकामना बस्ने ३० वर्षीया महिला र भरतपुर अस्पतालमा झापा दमक–३ बस्ने ३५ वर्षीया महिलामा कोरोना संक्रमण पुष्टि भएको भरतपुर अस्पतालले जनाएको छ ।