काठमाडौं– प्रधानमन्त्री केपी शर्मा ओलीले मन्त्रीहरुलाई बालुवाटार बोलाएका छन्।
प्रधानमन्त्रीले राजनीतिक छलफलको लागि मन्त्रीहरुलाई बोलाएको एक मन्त्रीले जानकारी दिए।
मंगलबारको नेकपा स्थायी कमिटी बैठकमा बोल्ने १८ जना मध्ये १७ जनाले प्रधानमन्त्रीको राजीनामा मागेका थिए। प्रधानमन्त्रीले मात्रै सरकारको प्रतिरक्षा गरेका थिए।
मन्त्रीद्वय घनश्याम भुसाल र योगेश भट्टराईले सरकार संकटमा पर्न थालेको आशय सहितको स्ट्याटस सामाजिक सञ्जालमा पोस्ट गरेका छन्। दुवैले सकारात्मक परिणामको लागि सबै मिल्नुपर्ने बताएका छन्।
पछिल्लो समय सत्तारुढ दल नेकपाभित्र चरम विवाद छ। अर्का अध्यक्ष पुष्पकमल दाहाल र वरिष्ठ नेता माधवकुमार नेपाललगायत सचिवालयका अधिकांश सदस्यले ओलीले सरकार छोड्नुपर्ने बताउँदै आएका छन्।
सोमबार मात्रै मन्त्रिपरिषद् बैठक बसेको थियो।
प्रकाशित: Jul 01, 2020| 07:54 बुधबार, असार १७, २०७७
