नेपाल आयल निगमले पेट्रोलियम पदार्थको मूल्य बढाएको छ। पेट्रोलमा प्रतिलिटर ५ रुपैयाँ र डिजेल तथा मटीतेलमा २ रुपैयाँ मूल्य बढेको हो।
मूल्य वृद्धिसँगै पेट्रोल प्रतिलिटर १०१ रुपैयाँ र डिजेल तथा मटीतेल ८७ रुपैयाँ पुगेको छ। नयाँ मूल्य मंगलबार राति १२ बजेदेखि लागू हुनेछ।
लकडाउन खुकुलो भएर सडकमा सवारी चाप बढेपछि भाउ बढाएको भन्दै उपभोक्ताले आयल निगमको आलोचना गरेका छन्।
यसअघि लकडाउन कडा भएर सडक सुनसान भएका बेला १९ चैतमा भने पेट्रोल डिजेल र मटीतेलको मूल्य प्रतिलिटर १० रुपैयाँले घटाएको थियो।
प्रकाशित: Jun 30, 2020| 21:40 मंगलबार, असार १६, २०७७
