हेडाैंडा–काठमाडाैं सडक अवरुद्ध

हेटाैंडा- भीमफेदी–कुलेखानी हुँदै काठमाडौँ जोड्ने सडकअन्तर्गत पर्ने भीमफेदी गाउँपालिका–६ देउराली र चिसापानीगढीमा आज पहिरो जाँदा हेटौंडा–काठमाडौंतर्फको यातायात सेवा अवरुद्ध भएको छ।

भीमफेदी देउराली र चिसापानीगढीमा गएको पहिरो हटाई भीमफेदी काठमाडौंतर्फको यातायात सञ्चालनमा ल्याउन डोजरसहित प्राविधिक पठाइएकाे भीमफेदी इलाका प्रहरी कार्यालका प्रहरी निरीक्षक रामबालक रायले जानकारी दिए।

त्यसैगरी बुधबार साँझ आएको अविरल वर्षाले गर्दा हेटौंडादेखि ललितपुरको सातदोबाटो जोड्ने कान्तिराजपथको विभिन्न सात स्थानमा पहिरो जाँदा हेटौंडा–ललितपुरको यातायात सेवा बिहानैदेखि अवरुद्ध भएको जिल्ला प्रहरी कार्यालय मकवानपुरले जनाएको जनाएको छ।

कान्तिराजपथको घट्टेखोला, जितपुर भञ्ज्याङ र ठिंगनको विभिन्न स्थानमा गएको पहिरो हटाई शुक्रबार अपराह्नसम्ममा यातायात सेवा सञ्चालन गर्नेतर्फ आवश्यक प्राविधिकसहित डोजर खटाइसकेको मकवानपुका प्रजिअ दीपक नेपालले जानकारी दिए।–रासस