ओमनविरुद्ध नेपालले पहिले ब्याटिङ गर्ने

ओमनमा जारी त्रिकोणात्मक सिरिजमा नेपालले टस जितेर ब्याटिङ रोजेको छ।

नेपाल समय | मंगलबार, भदौ २९, २०७८

नेपाल समय

मंगलबार, भदौ २९, २०७८

काठमाडौं– ओमनमा जारी त्रिकोणात्मक सिरिजमा नेपालले टस जितेर ब्याटिङ रोजेको छ। ओमनको अल इमिरेत मैदानमा अहिले सवा ४ बजेबाट सुरु हुने खेलमा नेपालले टस जितेर ब्याटिङ रोजेको हो।

हिजो अमेरिकाविरुद्ध उत्रिएको टिमले नै आज पनि निरन्तरता पाएको छ।

डेढ वर्षअघि नेपालमै आयोजना भएको एकदिवसीय सिरिजमा नेपाले ओमनसँग दुई खेलमै हार बेहोरेको थियो।

त्यो सिरिजमा नेपालले ओमनसँग पहिलो खेलमा १८ रन र दोस्रो खेलमा ८ विकेटको हार बेहोरेको थियो। त्यसैले आज नेपाललाई त्यो हारको बादला दिने अवसर पनि छ।

नेपालले अमेरिकासँगको खेलमा जित निकालेसँगै अहिले लिग दुईमा नेपालले पाँच खेलबाट ६ अंक बनाएको छ। नेपाल लिग तालिकाको पुछारबाट दोस्रो स्थानमा छ। नेपालले आज जित निकाले एक स्थान सुधार भएर पाँचौ स्थानमा पुग्नेछ।

प्रकाशित: Sep 14, 2021| 15:53 मंगलबार, भदौ २९, २०७८