कर्णाली प्रदेशमा थप २० जनामा कोरोना संक्रमण पुष्टि

सुर्खेत- कर्णाली प्रदेशमा थप २० जनामा कोरोना संक्रमण पुष्टि भएको छ।

सुर्खेतस्थित प्रदेश अस्पताल, पशुपन्छी रोग अन्वेषण, कर्णाली स्वास्थ्य विज्ञान प्रतिष्ठान र दाङको राप्ती स्वास्थ्य विज्ञान प्रतिष्ठानमा गरिएको पीसीआर परीक्षणमा सल्यानका १३ जना, सुर्खेतका ५ जना र जुम्लाका २ जना गरी थप २० जनामा कोरोना संक्रमण पुष्टि भएको हो।

कर्णाली प्रदेश सामाजिक विकास मन्त्रालयका अनुसार सल्यानको बनगाड कुपिन्डे नगरपालिका वडा नं. ३ मा ३ जना, वडा नं. ४ मा ७ जना, वडा नं. ५ र वडा नं. ८ मा एक–एक जना र कपुरकोट गाउँपालिका वडा नं. ६ मा १ जनामा रहेका छन्।

सुर्खेतमा वीरेन्द्रनगर नगरपालिका वडा नं. १२ मा २ जना, गुर्भाकोट नगरपालिका वडा नं. १४ मा १ जना र सिम्ता गाउँपालिका वडा नं. ६ मा १ जनामा पनि कोरोना संक्रमण पुष्टि भएको छ।

त्यस्तै जुम्लाको हिमा गाउँपालिका वडा नं. ४ र तिला गाउँपालिका वडा नं. २ मा पनि एक/एक जनामा कोरोना संक्रमण पुष्टि भएको मन्त्रालयका स्वास्थ्य सेवा महाशाखा प्रमुख डाक्टर लक्ष्मीनारायण तिवारीले जानकारी दिए।

योसँगै कर्णालीमा कुल संक्रमितको संख्या ६ सय ७१ जना पुगेको छ। जसमध्ये ११ जनाले कोरोना जितेर घर फर्किएका छन् भने ३ जनाको मृत्यु भइसकेको छ।