जम्मु काश्मिरमा ९३ जना आतंककारी मारिएको दाबी

भारतीय सुरक्षा निकायले जम्मु तथा काश्मिरमा विगत ६ महिनामा कम्तीमा ९३ जना आतंककारी मारिएको भारतीय सेनाले जनाएको छ।

नेपाल समय | सोमबार, जेठ २६, २०७७

नेपाल समय

सोमबार, जेठ २६, २०७७

जम्मु काश्मिरमा ९३ जना आतंककारी मारिएको दाबी

एजेन्सी- भारतीय सुरक्षा निकायले जम्मु तथा काश्मिरमा विगत ६ महिनामा कम्तीमा ९३ जना आतंककारी मारिएको भारतीय सेनाले जनाएको छ।

भारतीय प्रहरीले उक्त क्षेत्रमा गएको छ महिनाभन्दा लामो समयदेखि आतंकारीका विरुद्धमा कडा काराबाही जारी राखेको बताएको थियो। त्यसक्रममा ती आतंककारी मारिएका र त्यसमा आतंककारी संगठनका केही उच्च कमाण्डरहरु पनि रहेको भारतीय सैनिक स्रोतले जानकारी दिएको हो।

पछिल्लो दुई दिनमा मात्र यहाँ भारतीय सुरक्षा निकायले गरेको कारबाहीमा नौ जना आतंककारी मारिएको बताइएको छ।

यस कारबाहीमा जैस ए मोहमद, लस्कर ए तोएबालगायतका आतंककारी संगठनका उच्च कमाण्डर पनि मारिएका बताइएको छ।

ती आतंककारी भारतीय तथा विदेशी समेत रहेको पनि सो समाचारमा जनाइएको छ। यस कारबाहीका क्रममा भारतीय सुरक्षा निकायका सदस्यहरुलाई भने कुनै क्षति नपुगेको अधिकारीहरुले जनाएका छन्। रासस