प्रहरीले गोली चलाउँदा अधिकारकर्मीको मृत्यु

प्रजातान्त्रिक गणतन्त्र कङ्गोको तनावग्रस्त पूर्वी भागमा जुलुश प्रदर्शनलाई नियन्त्रणमा लिन प्रहरीले चलाएको  गोली लागी एक अधिकारकर्मीको मृत्यु भएको आन्दोलनरत समूहले जानकारी गराएको छ ।

लुटेरा तथा लडाकू समूहका आक्रमणबाट प्रभावित रहँदै आएको बेनी शहरमा प्रहरीले गोली चलाएको थियो । घटनालाई लिएर दुई प्रहरी अधिकारीलाई पक्राउ गरिएको स्थानीय प्रहरी कार्यालयले जानकारी गराएको छ ।

बेनीस्थित एक रङ्गशालामा करिब २० व्यक्ति भेला भई स्थानीय लुचा समूहले आफूहरूमाथि भएका लुट र हत्याको विरोध गर्ने तयारी गरेका समय प्रहरीले गोली चलाएको आरोप स्थानीय मानवअधिकारवादी समूहले बताएको छ ।

मुश्लिम विद्रोहीहरूको अलिड डेकोक्र्याटिक फोर्स इस्लाम बहुल क्षेत्र रहेको बेनीमा सक्रिय रहेको छ । जहाँ सन् २०१४ को अक्टोबरदेखि हालसम्म करिब एक हजार सर्वसाधारणको हत्या भएको छ ।

स्थानीय नागरिकहरूले संयुक्त राष्ट्रसंघीय शान्ति सेना तथा कङ्गोली अधिकारीले आफूहरूको सुरक्षालाई प्रत्याभूत नगरेको भन्दै आन्दोलित भएका छन् ।

बिहीबारको जुलुशबाट पक्राउ गरी करिब एक दर्जनभन्दा बढी प्रदर्शनकारी पक्राउ परेका छन् । अधिकारकर्मीमाथि आक्रमण गर्ने प्रहरी अधिकारीलाई पनि छानविनका लागि पक्राउ गरिएको प्रहरीले बताएको छ।

रासस