आर्सनलले तोड्यो प्रिमियर लिगमा गोलरहित यात्रा

काठमाडौं– इंग्लिस क्लब आर्सनलले प्रिमियर लिगको नयाँ सिजनमा आफ्नो गोलरहित यात्रालाई तोडेको छ।

शनिबार राति सम्पन्न खेलमा आर्सनलले घरेलु मैदानमा नर्विच सिटीविरुद्ध खेलको ६६ औं मिनेटमा गोल गर्दै गोल खडेरीको यात्रा सकेको हो।

मिडफिल्डर निकोलस पेपेले दिएको पासलाई सदुपयोग गर्दै कप्तान पियरे इमिरेक अबुमयाङले गोल गरेका थिए।

खेलको पहिलो हाफमा दुवैटिमबाट गोल हुन नसकेपछि खेलको दोस्रो हाफमा आर्सनलले अग्रता बनाएको हो। उनको गोलबाहेक दुवै पक्षबाट अन्या गोल हुन नसक्लब आर्सनलले १–० गोलको जित निकालेको हो।

आर्सनलले यो सिजनको सुरुआति तीनै खेलमा गोल गर्न सकेको थिएन्। उसले सुरुका तीन खेलमा ब्रेन्टफर्ड, चेल्सी र म्यानचेस्टर सिटीहार बेहोरेको थियो।

यससँगै उसले नौ गोलको सामना गरे पनि गोल गर्न असमर्थ थियो। यसकारण प्रशिक्षक माइकल आर्टेटाको आलोचना हुँदै आएको थियो।

पछिल्लो खेलमा पनि हार बेहोरेपछि आर्सनलका समर्थकले ‘तिमी कुनै विशेष होइनौँ, हामी हरेक हप्ता हारिरहेका छौं’ भन्ने नारा नै लगाएका थिए। तर यो जितसँगै प्रशिक्षकलाई भने केहि राहत मिलेको छ।

यो जितसँगै आर्सनलले तीन अंकका साथत अंकतालिकामा खाता खोलेको छ। ऊ अहिले १६ औं स्थानमा छ। पराजित नर्विच सिटी भने शून्य अंकका साथ तालिकाको पुछारमा छ।