एन्फा एकेडेमीलाई क्वारेन्टिन बनाउन ललितपुर महानगरसँग सहकार्य

सातदोबाटोस्थित अखिल नेपाल फुटबल संघ (एन्फा) को एकेडेमी हललाई क्वारेन्टिन बनाउन प्रयोग गरिने भएको छ। आज ललितपुर महानगरसँग सहकार्य गर्दै एन्फाले यस्तो निर्णय गरेको हो।

नेपाल समय | शुक्रबार, वैशाख ५, २०७७

नेपाल समय

शुक्रबार, वैशाख ५, २०७७

एन्फा एकेडेमीलाई क्वारेन्टिन बनाउन ललितपुर महानगरसँग सहकार्य

एन्फाले उमेर समूहका खेलाडीले प्रयोग गर्ने १४ ओटा कोठा कोरोनाविरुद्ध लड्नका लागि क्वारेन्टिन बनाउन दिने बताएको छ। ललितपुर महानगरले उक्त भवनको बिहीबार अध्ययन गर्दै आवश्यकता परेमा प्रयोग गर्ने बताएको हो।

एन्फाले यसअघि पनि ललितपुर महानगरलाई महामारी अबधिभरी चलाउनका लागि २ ओटा एम्बुलेन्स सहयोग गरेको। फिफाको फन्डबाट खरिद गरेको सो एम्बुलेन्स उसले ललितपुरलाई प्रयोग गर्न दिएको हो।

त्यस्तै, कोहलपुरस्थित महिला एकेडेमी यसअघि नै क्वारेन्टिन बनाउन उपयोग गरिसकिएको छ। आवश्यकताअनुसार देशैभरिका आफ्ना पूर्वाधार लागि प्रयोग गर्न सरकारलाई अपिल गरेको छ।

प्रकाशित: Apr 17, 2020| 18:42 शुक्रबार, वैशाख ५, २०७७