एउटा पनि विधेयक पास नगरी सकियो प्रदेशसभाको अधिवेशन

कर्णाली प्रदेश सभाको हिउँदे अधिवेशन आजदेखि अन्त्य भएको छ । प्रदेश सभासचिवालयले सूचना जारी गर्दै अधिवेशन अन्त्य भएको जनाएको हो ।

नेपाल समय | शुक्रबार, वैशाख ५, २०७७

नेपाल समय

शुक्रबार, वैशाख ५, २०७७

सरकारको सिफारिसमा प्रदेश प्रमुख गोविन्दप्रसाद कलौनीले नेपालको संविधानको धारा १८३ (२) बमोजिम आज राति १२ बजेदेखि हिउँदे अधिवेशन अन्त्य गरेको प्रदेश प्रमुखको कार्यालयले जनाएको छ ।

विधेयक अधिवेशनका रुपमा लिइने हिउँदे अधिवेशनमा प्रदेश सभाले एउटा पनि पास नगरेर सकिएको छ । विषयगत समितिमा ८ वटा विधेयक विचाराधीन थिए । तर लकडाउनका कारण एउटा पनि विधेयक पास नगरी अधिवेशन अन्त्य भएको हो ।

माघ २४ गतेदेखि सुरु भएको प्रदेशसभाको हिउँदे अधिवेशन गत फागुन २७ गतेदेखि स्थगित थियो । अधिवेशनमा ६ वटामात्रै बैठक बसेको थियो । कोरोना भाइरसको अधिवेशन अन्त्य गरिएको सचिवालयले जनाएको छ ।

प्रकाशित: Apr 17, 2020| 15:53 शुक्रबार, वैशाख ५, २०७७