जापानमा संकटकाल, पहिलो दिनमै संक्रमित वृद्धि

जापानमा संकटकाल घोषणा गरेपछिको पहिलो दिनमै कोरोना भाइरसबाट सङ्क्रमितको संख्या झन धेरै देखिएको छ।

नेपाल समय | बुधबार, चैत २६, २०७६

नेपाल समय

बुधबार, चैत २६, २०७६

जापानमा संकटकाल, पहिलो दिनमै संक्रमित वृद्धि

जापानका स्वास्थ्यमन्त्री र स्थानीय सरकारका अधिकारीहरुले बुधबार दिएको जानकारीअनुसार बुधबार बेलुकासम्म देशभर ३०९ जना नयाँ सङ्क्रमित भेटिएका छन्।

योसँगै जापानमा कोरोना भाइरसबाट अहिलेसम्म सङ्क्रमितको कुल संख्या चार हजार ७६८ पुगेको छ। त्यसैगरी मृत्यु हुनेको संख्या १०९ पुगेको पनि अधिकारीहरुले जनाएका छन्।

कोरोनाको सङ्क्रमण थप फैलिFदै जाने देखेर जापानी प्रधानमन्त्री सिन्जो आबेले मंगलबार संकटकालको घोषणा गरेका थिए। संकटकाल राजधानी टोकियोसहित कोरोना भाइरसबाट बढी प्रभावित अन्य सहर कानागावा, सैतामा, चिबा, ओसाका, ह्योगो र फुकुओकामा लागू गरिएको हो।

जापानमा अहिलेसम्म कुल सङ्क्रमितमध्ये सवैभन्दा धेरै राजधानी टोकियोमै छन्। टोकियोमा एक हजार ३३९ जना संङ्क्रमित हुँदा दोस्रो धेरै संक्रमित भएको ओसाकामा ४८१ जना संक्रमित छन्।

कानागावामा ३३२ जना, चिबामा ३०७ जना, ऐची क्षेत्रमा २६० जना सङ्क्रमित भएको स्वास्थ्य अधिकारीहरुले जनाएका छन्। कुल बिरामीमध्ये ८८ जनाको अवस्था गम्भीर रहेको स्वास्थ्य मन्त्रालयको तथ्यांकमा उल्लेख छ। सङ्क्रमितमध्ये एक हजार २४२ जना निको भएर घर फर्किएका छन्।

प्रकाशित: Apr 08, 2020| 21:47 बुधबार, चैत २६, २०७६