बुटवलको कोरोना विशेष अस्पतालमा एकको मृत्यु

बुटवल– रूपन्देहीको बुटवलस्थित कोरोना विशेष (अस्थायी) अस्पतालमा भर्ना भएका एक व्यक्तिको मृत्यु भएको छ।

कोरोना संक्रमणको आशंकामा आइसोलेसनमा रहेका रुपन्देही सैनामैना नगरपालिका ७ का ३४ वर्षीय बाबुराम थापाको मृत्यु भएको अस्पतालका सूचना अधिकारी डा. विष्णु गाैतमले जानकारी दिए। जराे र सास फेर्न समस्या भएपछि थापा गत बिहीबार अस्पताल भर्ना भएका थिए।

तर, उनमा परीक्षणमा गरिएको कोरोना संक्रमणको रिपोर्ट आउन बाँकी छ। उनको मृत्यु कोरोना संक्रमणले भएको वा अन्य कुनै कारणले भएको हो  खुलेको छैन।

इपिडिमियोलोजी शाखाका निर्देशक वासुदेव पाण्डेले ती युवकको नमुना परीक्षणका क्रममा रहेको बताए। उनले भने, 'कोरोनाको नमुना परीक्षणका क्रममा छ । रिपोर्ट नआई यही कारणले मृत्यु भएको भन्न मिल्दैन।' अस्पतालले उनको स्वाब परीक्षणका लागि आज बिहान राजधानीको टेकुस्थित राष्ट्रिय जनस्वास्थ्य प्रयोगशाला पठाइएको थियो।

उनी चैत ८ गते दुबईबाट स्वेदश फर्किएका थिए।