कोरोनाबाट ५६ देशका ७,९८४ को मृत्यु : कहाँ कति ?

वर्डओमिटरका अनुसार १५ देशमा कोरोना भाइरसबाट मृत्यु हुनेकाे दर उच्च छ । ५ सयभन्दा बढिको मृत्यु भएका देश ४ वटा छन् ।

नेपाल समय | बुधबार, चैत ५, २०७६

नेपाल समय

बुधबार, चैत ५, २०७६

काठमाडौं- विश्वव्यापी महामारीका रुपमा फैलिएको कोरोना भाइरसबाट बुधबार बिहानसम्म ७ हजार ९८४ जनाको मृत्यु भएको छ।

वर्डओमिटरका अनुसार अहिलेसम्म कोरोना भाइरस १६५ देशमा फैलिएको छ भने ५६ देशका नागरिकले ज्यान गुमाएका छन्। २४ घण्टामा मात्रै करिब १६ हजार नयाँ संक्रमित थपिएका छन् भने ८२३ जनाको मृत्यु भएको छ।

संक्रमित र ज्यान गुमाउनेको संख्या युरोपमा तीव्र गतिमा बढेको छ भने कोरोनाको उद्गम देश चीनमा घट्दै गएको छ। युरोपबाहेक अमेरिका र इरानमा पनि तीव्र गतिमा कोरोनाको भाइरस फैलिएको विश्व स्वास्थ्य संगठनले जनाएको छ।

पछिल्लो समय युरोपमा मात्रै हरेक दिन पाँच सयभन्दा बढी व्यक्तिकाे मृत्यु भइरहेकाे छ भने १० हजारभन्दा बढी व्यक्ति नयाँ संक्रमित थपिएका छन्।

कोरोनाबाट १८ देशमा १ जनाको मात्रै मृत्यु भएको छ भने ७ देशमा २ जनाको मृत्यु भएको छ। यस्तै २ देशमा ३ जनाको मृत्यु भएको छ भने ४ देशमा ४ जनाको मृत्यु भएको छ।

४ देशमै ५ जनाको मृत्यु भएको छ भने ४१ देशमा १० जनाभन्दा कमको मृत्यु भएको वर्डओमिटरले जनाएको छ। चीनमा ३ हजार २३७, इटालीमा २ हजार ५०३, इरानमा ९८८, स्पेनमा ५३३ जनाको मृत्यु भएको छ।

कोरोनाबाट कुन देशमा कतिको मृत्यु ?

चीन– ३२३७

इटाली– २५०३

इरान– ९८८

स्पेन– ५३३

फ्रान्स– १७५

अमेरिका– ११५

दक्षिण कोरिया– ८४

बेलायत– ७१

नेदरल्यान्ड्स– ४३

जापान– २९

स्विट्जरल्यान्ड– २७