प्रदेश–२ को नाम मिथिला भोजपुरा राख्ने कांग्रेसको प्रस्ताव अस्वीकृत

प्रदेश २ को नाम मिथिला भोजपुरा राख्न नेपाली कांग्रेसले गरेको प्रस्ताव अस्वीकृत भएको छ।

नेपाल समय | मंगलबार, चैत ४, २०७६

नेपाल समय

मंगलबार, चैत ४, २०७६

जनकपुरधाम– प्रदेश २ को नाम मिथिला भोजपुरा राख्न नेपाली कांग्रेसले गरेको प्रस्ताव अस्वीकृत भएको छ। प्रदेश सभामा आज भएको मतदानमा पक्षमा २८ मत परेको छ भने विपक्षमा ७९ मत परेको छ।

दुई नम्बर प्रदेश सभामा कांग्रेसका १९ सांसद रहेकोमा उसले गरेको प्रस्तावमा २८ मत आएको छ।

यसअघि जानकी प्रदेश राख्ने नेकपाको प्रस्ताव पनि अस्वीकृत भएको थियो। दुई नाममा दुई तिहाइ नपुगेपछि अर्को प्रस्तावमा मतदान हुने भएको छ। नामकरणका लागि दर्ता भएका प्रस्तावहरुमाथि क्रमअनुसार नै मतदान हुनेछ।

तेस्रो नम्बरमा कांग्रेसका राजेश्वरप्रसाद साहले मध्य प्रदेश र चौथो नम्बरमा सत्तासीन दल समाजवादी पार्टी र राजपाको मधेश प्रदेश प्रस्ताव दर्ता भएको छ।

१०७ जना प्रदेश सांसद रहेको प्रेदश २ मा दुई तिहाइ बहुमत पुर्याउन ७२ मत आवश्यक छ।

प्रकाशित: Mar 17, 2020| 10:58 मंगलबार, चैत ४, २०७६