विषाक्त घरेलु मदिरा सेवनका कारण मृत्यु हुनेको संख्या ११ पुग्यो (अपडेट)

धनुषा - धनुषाको क्षिरेश्वरनाथ नगरपालिका-२ को रमदैयामा विषाक्त मदिरा पिउँदा मृत्यु हुनेको सङ्ख्या ११ पुगेको छ। शुक्रबारसम्म ६ जनाको मृत्यु भएकोमा शनिबार उक्त संख्या बढेर ११ पुगेको हो।

होली पर्वको अवसरमा अत्यधिक मात्रामा घरेलु मदिरा पिउँदा गम्भीर बिरामी भएपछि उनीहरुको उपचारका क्रममा मृत्यु भएको जिल्ला प्रहरी कार्यालयले जनाएको छ। विषाक्त मदिरा सेवनबाट उनीहरुको मृत्यु भएको आशङ्का गरिएको छ।

मृत्यु हुनेमा रामविलास मण्डल, शत्रुधन मण्डल, इन्द्रजित महरा, ब्रह्मदेव यादव, गुदर महरा, रामनारायण महरा, नीरश यादव, राजु महरा, भुनटुन सदा, दसै सदा र विजय महरा रहेका छन्।

इलाका प्रहरी कार्यालय महेन्द्रनगरका प्रहरी निरीक्षक पप्पु नायकले घटनाबारे अनुसन्धान सुरु गरिएको जानकारी दिए। अन्य चारजनाको रम्दैयास्थित जानकी मेडिकल शिक्षण अस्पतालमा उपचार भइरहेको उनले जानकारी दिए।

अवैध मदिरा बिक्री गरेको अभियोगमा स्थानीय रामानन्द साह र एक महिलालाई पक्राउ गरी आवश्यक कारवाही सुरु गरिएको जनाइएको छ। अहिले पुरै गाउँ शोकमा डुवेको छ।

मदिराबाट मृत्यु हुनेको संख्या ६ पुग्यो (अपडेट)

होलीमा अत्याधिक मदिरा पिउँदा धनुषामा पाँचजनाको मृत्यु, सबैको पहिचान खुल्यो