हुण्डाईको नयाँ इलेक्ट्रिक कार नेपाली बजारमा

दक्षिण काेरियाली कम्पनी हुण्डाईको नेपालका लागि आधिकारिक विक्रेता लक्ष्मी इन्टरकन्टिनेन्टल प्रालिले आफ्नो नयाँ इलेक्ट्रिक कार आयोेनिक नेपाली बजारमा 'लन्च' गरेको छ ।

हुण्डाई आयोेनिकको यो नवीनतम भर्जन अझ उत्कृष्ट पावर र विशेषताका साथ आएको छ । यो नयाँ इलेक्ट्रिक प्रिमियम सेडानले इलेक्ट्रिक गाडीको जगतमै नयाँ इतिहास रच्ने कम्पनीको दाबी छ ।

आयोेनिकमा ३८.३ किलोवाट इलेक्ट्रिक मोटरको साथ सय किलोवाटको ब्याट्री पावर छ । यसको अधिकतम स्पीड १६५ किलोमिटर प्रतिघण्टा रहेको छ । यसको ड्राइभिङ रेन्ज ३११ किमि छ । यो पूर्ण इलेक्ट्रिक मोबिलिटीले पार्टहरु हल्लिन कम गर्ने भएकोले गाडी कुनै आवाज बिना आरामले गुड्ने कम्पनीको भनाइ छ ।

नयाँ आयोेनिकमा प्याडल सिफ्ट गर्न मिल्ने सुविधा छ, जसले रिजेनेरेटिभ ब्रेकिङमा चार लेबलको नियन्त्र प्रदान गर्छ । यसले चालकलाई सिस्टमको डिफल्ट इको ड्राइभिङको र तीव्र प्रदर्शनको लागि फुल पावर प्रदान गर्छ । यसमा एलइडी डिआरएल र हेडल्याम्प्स, स्मार्ट इलेक्ट्रिक सनरुफ र नयाँ आइकोनिक ग्रीललगायत विशेषता छन् । गाडीको मूल्यबारे भने कम्पनीले केही बताएको छैन।