कुमार पौडेलकी आमाले दिइन् सिडियो र एसपीसहित १० जनाविरुद्ध किटानी जाहेरी

सप्तरी- सप्तरीमा गत असार ५ गते प्रहरीको गोली प्रहारबाट मृत्यु भएका कुमार पौडेलकी आमाले प्रमुख जिल्ला अधिकारी, जिल्ला प्रहरी प्रमुखसहित १० जनाविरुद्ध किटानी दर्ता गरेकी छिन्।

कुमारकी आमा ७० वर्षीय दुर्गादेवी पौडेलले तत्कालीन प्रमुख जिल्ला अधिकारी कृष्णबहादुर राउत, जिल्ला प्रहरी प्रमुख एसपी गोपाल भट्टराईसहित १० जनाका नाममा जिल्ला प्रहरी कार्यालय सर्लाहीमा किटानी दर्ता गरेकी हुन्।

२ नम्बर प्रदेशका प्रहरी प्रमुख हरिबहादुर पाल, बागमती नगरपालिका मेयर भरतबहादुर थापालाई पनि विपक्षी बनाइएको छ। अधिकारकर्मीहरु चरण प्रसाई, इन्द्र अर्याल, बद्री भुषालको समन्वयमा कर्तव्य ज्यान अन्र्तगत किटानी दिएको

नेत्रविक्रम चन्द ‘विप्लव’ नेतृत्वको पार्टीका नेता पौडेलको मृत्यु ‘दोहोरो गोली हानाहान’ मा भएको प्रहरीले बताएको थियो। पौडेललाई नियन्त्रणमा लिएर मारिएको परिवारको दाबी छ।