बागमती प्रदेशमा आज सार्वजनिक बिदा

काठमाडौं- बागमती प्रदेश सरकारले आज (शुक्रबार) सार्वजनिक बिदा दिएको छ ।

तामाङ समुदायको चाड सोनाम ल्होसारका अवसरमा आज बागमती प्रदेशमा सार्वजनिक बिदा दिइएको हो ।

बागमती प्रदेश, आन्तरिक मामिला तथा कानून मन्त्रालयले सूचना जारी गर्दै प्रदेश सरकारको गत पुस २७ गतेको मन्त्रिपरिषद् बैठकको निर्णयानुसार आज सार्वजनिक बिदा दिइएको जनाएको छ ।

यो बिदा बागमती प्रदेशभर लागु हुने भएपनि काठमाडौं उपत्यकाको हकमा भने लागु नहुने भएको छ । तर, प्रदेश सरकार मातहातका कार्यालयसहित सम्पूर्ण सरकारी कार्यालय, शिक्षालय, उद्योगधन्दामा यो बिदा लागु हुनेछ ।

केन्द्र सरकारले भने सार्वजनिक विदा दिएको छैन् । केन्द्र सरकारले प्रदेश सरकारलाई बढीमा एक वर्षमा ६ दिन बिदा दिन पाउने अख्तियारी दिएको छ ।

सोही अख्तियारी अनुसार प्रदेश सरकारले आफ्नो प्रदेशका महत्वपूर्ण धार्मिक, जातीय र सांस्कृतिक चाडपर्व अदिमा आवश्यकता हेरी बढीमा ६ दिनसम्म बिदा दिन पाउने व्यवस्था छ ।