रक्सी पार्टीमा किशोरहरुबीच विवाद, छुरा प्रहारबाट एक जनाको मृत्यु

रक्सीको नशामा लठ्ठिएका किशोरहरुको एक समुहबीच सामान्य विवादपछि छुरा हानाहान हुँदा एक किशोरको मृत्यु भएको छ ।

नेपाल समय | बिहीबार, माघ ९, २०७६

नेपाल समय

बिहीबार, माघ ९, २०७६

रक्सी पार्टीमा किशोरहरुबीच विवाद, छुरा प्रहारबाट एक जनाको मृत्यु

भक्तपुर- रक्सीको नशामा लठ्ठिएका किशोरहरुको एक समुहबीच सामान्य विवादपछि छुरा हानाहान हुँदा एक किशोरको मृत्यु भएको छ ।

भक्तपुर नगरपालिका–६ भोलाछेंमा भएको विवादमा छुरा प्रहार गर्दा भक्तपुर–१० चोखा कमलविनायक बस्ने १५ वर्षीय रोहन सुवालको बुधबार साँझ मृत्यु भएको प्रहरीले जनाएको छ ।

छुरा प्रहारपछि फरार रहेका १५ र १६ वर्षीय दुई किशोरलाई प्रहरीले सिद्वपोखरीस्थित कान्तिपुर गेष्टहाउसबाट पक्राउ गरी अनुसन्धान शुरु गरेको महानगरीय प्रहरी परिसर भक्तपुर प्रमुख एवं प्रहरी उपरीक्षक सबिन प्रधानले जानकारी दिए ।

चार÷पाँच जना साथीसँगै बसेर मदिरा सेवन गर्दा भएको सामान्य विवादमा साथीले सुवालको छातीमा छुरा प्रहार गरेको प्रारम्भिक अनुसन्धानबाट खुलेको उनले जानकारी दिए । मृतक सुवालमाथि प्रहर भएको छुरा प्रहरीले व्यासी कालोपाटीबाट बरामद गरेको छ ।

प्रकाशित: Jan 23, 2020| 08:18 बिहीबार, माघ ९, २०७६