सनराइज बैंकको थप दुई शाखारहित बैंकिङ सेवा

काठमाडौं– सनराइज बैंक लिमिटेडले बैंकिङ सेवा नपुगेका देशका विभिन्न दुर्गम स्थानहरुमा बैंकिङ सेवा पुर्याउँदै जाने उद्देश्यका साथ लमजुङको ठूलीेबेसीमा ४४औं र तनहुँको टुहुरेपसलमा ४५औं शाखारहित बैंकिङ सेवा प्रारम्भ गरेको छ ।

पौष २१ गते सोमबार आयोजित एक कार्यक्रममा ४४ औं शाखारहित बैंकिङ सेवा मस्र्याङ्दी गाँउपालिकाका वडाध्यक्ष लिला प्रसाद घलेले शाखारहित बैंकिङ्ग सेवाको प्रतिनिधि कर्णसिंह तामाङलाई पोइन्ट अफ सेल मेसिन हस्तान्तरण गरे ।

यसै क्रममा पुस २२ गते मंगलबार ४५औं शाखारहित बैंकिङ्ग सेवा भानु नगरपालिकाका प्रमुख तारा नरेश पौडेलले उद्घाटन गरे । नगरपालिकाका प्रमुख तारा नरेश पौडेल र गण्डकी प्रदेशका कार्यालय प्रमुख रबिन्द्र केसीले शाखारहित बैंकिङ सेवाको प्रतिनिधि विष्णु सिलवाललाई पोइन्ट अफ सेल मेसिन संयुक्त रुपमा हस्तान्तरण गरेका थिए ।

दुबै शाखारहित बैंकिङ सेवाबाट निक्षेप सकंलन, रकम भुक्तानी, रकम स्थानान्तरण, बिल भुक्तानी जस्ता सेवाहरु लिन सकिने बैंकले जनाएको छ ।