'निर्भया' बलात्कार काण्डमा संलग्न चार जनालाई मृत्युदण्डको फैसला

काठमाडौं- भारतको नयाँ दिल्लीस्थित एक स्थानीय अदालतले निर्भया सामूहिक बलात्कार र हत्यामा संलग्न चार अभियुक्तलाई मृत्युदण्डको फैसला सुनाएको छ।

सन् २०१२ को डिसेम्बर १६ मा २३ वर्षकी एक मेडिकल छात्रालाई गुडिरहेको बसमा सामूहिक बलात्कारपछि हत्या गरेको अभियोगमा ४ जनालाई मृत्युदण्डको सजाय सुनाइएको हो ।

मंगलबार दिल्लीको पटियाला अदालतका अतिरिक्त सत्रका न्यायाधीश सतीश कुमार अरोडाको इजलासले दोषीहरुलाई १४ दिनभित्र सजाय दिनसक्न आदेश दिएको हो ।

निर्भया घटनामा संलग्न चार जना दोषीहरुः अक्षय ठाकुर सिंह, मुकेश, पवन गुप्ता र विनय शर्माले आउँदो जनवरी २२ मा बिहान सात बजे तिहाड जेलमा मृत्युदण्ड दिइनेछ ।

निर्भया बलात्कारमा ६ जना संलग्न रहे पनि एक जनाले जेलमा आत्महत्या गरेका तथा अर्का एक जना घटना घटेको बेलामा नाबालिग रहेकाले चार जनालाई मात्रै मृत्युदण्डको सजाय सुनाइएको हो ।

१६ डिसेम्बर २०१२ मा फिजियोथेरापीकी २३ वर्षीया विद्यार्थी ज्योति सिंहलाई गुडिरहेको बसभित्र ६ जनाले सामुहिक बलात्कार गरेका थिए।

बलात्कारपछि बसबाट फालिएकी उनको उपचारको क्रममा १३ दिनपछि मृत्यु भएको थियो। उनलाई पछि ‘निर्भया’ नाम दिइएको थियो। जुन घटनाको भारतभर चर्को विरोध भएको थियो।