सुनको भाउमा दैनिक रेकर्ड, ४ दिनमा २५ सय बढ्‍यो

सुनको मूल्यमा पुनः रेकर्ड कायम भएको छ । पछिल्लो चार दिनमा प्रतितोला दुई हजार पाँच सय रुपैयाँले बढेर सोमबार प्रतितोला ७६ हजारमा सुन कारोबार भइरहेको छ।

नेपाल समय | सोमबार, पुस २१, २०७६

नेपाल समय

सोमबार, पुस २१, २०७६

काठमाडौं । सुनको मूल्यमा पुनः रेकर्ड कायम भएको छ । पछिल्लो चार दिनमा प्रतितोला दुई हजार पाँच सय रुपैयाँले बढेर सोमबार प्रतितोला ७६ हजारमा सुन कारोबार भइरहेको छ।

गत बिहीबार सुन तोलामा ७३ हजार ५०० रुपैयाँ थियो । त्यसपछि हरेक दिन बढिरहेको छ। सुनचाँदी व्यवसायी महासंघका अनुसार बिहीबार ७३ हजार ५०० मा कारोबार भएको सुन शुक्रबार ७४ हजार ५०० रुपैयाँमा कारोबार भएको थियो । त्यस्तै आइतबार एक हजार बढेर ७५ हजार ५०० मा कारोबार भयो ।

पछिल्लो हप्ता भएका दुई घटना– अमेरिकाद्वारा इरानी सेनाका प्रमुख जनरल कासिम सुलेमानीको हत्या र हुवावे प्रकरणमा अमेरिका र चीनबीचको शीतयुद्धका कारण अन्तर्राष्ट्रिय बजारमा सुनको मूल्य बढेको छ। त्यसकै असर नेपाली बजारमा पनि परेको हो । सुनलाई सबैभन्दा बढी सुरक्षित लगानीको क्षेत्र मानिन्छ ।

प्रकाशित: Jan 06, 2020| 07:10 सोमबार, पुस २१, २०७६