देउवा र प्रचण्डबीच भेटवार्ता

प्रमुख प्रतिपक्षी नेपाली कांग्रेसका सभापति शेरबहादुर देउवा र सत्तारुढ नेकपाका अध्यक्ष पुष्पकमल दाहाल ‘प्रचण्ड’बीच भेटवार्ता भएको छ।

नेपाल समय | सोमबार, पुस २१, २०७६

नेपाल समय

सोमबार, पुस २१, २०७६

काठमाडौं- प्रमुख प्रतिपक्षी नेपाली कांग्रेसका सभापति शेरबहादुर देउवा र सत्तारुढ नेकपाका अध्यक्ष पुष्पकमल दाहाल ‘प्रचण्ड’बीच भेटवार्ता भएको छ।

सोमबार बिहान देउवा निवास बुढानिलकण्ठमा नेताद्वयबीच भेटवार्ता भएको हो। भेटवार्तामा सत्य निरुपन तथा मेलमिलाप आयोगको पदाधिकारी चयनको विषयमा छलफल भएको बुझिएको छ।

केही दिनयता आयोगका पदाधिकारीको सिफारिस गर्न गठित समितिको बैठक बस्दै आएको छ। तर, राजनीतिक तहमा सहमति हुन नसक्दा समितिले नाम सिफारिस गर्न सकेको छैन।

देउवा र प्रचण्डबीचको भेटमा उक्त विषयमा सहमति खाेज्दै प्रयास भएको जनाइएको छ।

प्रकाशित: Jan 06, 2020| 06:35 सोमबार, पुस २१, २०७६