माछापुच्छ्रे बैंकको डेबिट र क्रेडिट कार्डमा क्यासब्याक अफर

काठमाडौं– माछापुच्छ्रे बैंकले अंग्रेजी नयाँ वर्ष २०२० को उपलक्ष्यमा आफ्ना ग्राहकहरुलाई लक्षित गरी डेबिट तथा क्रेडिट कार्डमा रु. ५०० सम्मको क्यासब्याक अफर ल्याएको छ । बैंकले नेपालभित्र बैंकको डेबिट तथा क्रेडिट कार्ड प्रयोग गरि विभिन्न बस्तु तथा सेवा खरिद गर्दा रु. ५०० क्यासब्याक दिने योजना सार्वजनिक गरेको हो ।

उक्त योेजनाअनुसार ग्राहकले माछापुच्छ्रे बैंकको कार्ड प्रयोग गरि पिओएस मेसिनमा कम्तीमा रु.५०० बराबरको ३ वटा छुट्टाछुट्टै कारोबार गरेपछि रु. ५०० फिर्ता पाउनेछन् ।

त्यस्तै गरी विभिन्न इकमर्स साईटहरु जस्तै दराज, सस्तो डिल, रिचार्जर, ईसेवा पसललगायतका अनलाईन सपिङ्ग साईटहरुबाट सामान खरिद गर्दा कम्तीमा रु.५०० बराबरको ३ वटा छुट्टाछुट्टै कारोबार कार्डबाट भुक्तानी गरि प्रत्येक महिना रु ५०० क्यास व्याक सुविधा प्राप्त गर्न सकिनेछ ।

माछापुच्छ्रे बैंकले भिषाको सहकार्यमा २०२० जनवरी र फेब्रुवरी महिनाको लागि उक्त अफर संचालनमा ल्याएको हो ।