काठमाडौं - सहिद स्मारक 'ए' डिभिजन लिग फुटबलमा मनाङ मर्स्याङ्दी क्लब र फ्रेन्ड्स क्लबले बराबरी खेल्दै अंक बाँडेका छन्। एन्फा कम्प्लेक्स सातदोबाटोमा सोमबार सम्पन्न खेलमा मनाङ र फ्रेन्ड्सले १-१ गोलको बराबरीमा खेलका हुन्।
खेलमा लिएको अग्रता जोगाउन नसक्दा मनाङ अंक बाड्न बाध्य भयो। खेलको ११ औं मिनेटमा रन्जन बिष्टले हेडमार्फत गोल गर्दै मनाङलाई अग्रता दिलाए पनि दोस्रो हाफको ६४ औं मिनेटमा भारतीय खेलाडी उत्तम राईले गोल गर्दै फ्रेन्ड्सलाई हारबाट जोगाए।
फ्रेन्ड्ससँग बराबरीमा खेलेपनि मनाङ लिगको शीर्ष स्थानमा उक्लिएको छ। मछिन्द्रलाई एक अंकले पछि पार्दै मनाङ शीर्ष स्थानमा उक्लिएको हो। मनाङले ४ खेलमा १० अंक जोडेको छ। मछिन्द्रको ९ अंक रहेको छ।